香港文匯報訊（記者 阿祖）王晶與葉念琛爆笑領軍賀歲片《麻雀女王追男仔》現正熱映中，票房約收三百萬元，導演葉念琛與男、女主角馬國明（馬明）、高海寧（高Ling）日前蛇年首度現身，出席一連幾場謝票場，場面墟冚。
粉絲高舉大牌及應援物品，齊心祝賀《麻雀女王追男仔》票房大賣！三位主創更相當「寵粉」，於戲院大堂跟觀眾逐一合照，以致人龍打爆戲院，令戲院現場水洩不通。
對於觀眾反應熱烈，三位主創大表興奮，感謝一眾支持者捧場。導演葉念琛說：「好開心，觀眾反應好好，佢哋好唔捨得我哋走，希望反應好啲，我哋繼續謝票。」女主角高Ling笑指：「佢哋（觀眾）好熱情呀，我覺得可以多啲謝票，讓我哋可以多啲互動，同埋可以同觀眾『恭喜發財』吖嘛！」馬明指：「最開心係見到觀眾睇得好開心，感受到電影喺新年帶到歡樂畀大家，所以好有滿足感！」
高Ling當日早上從美國工作返港，甫落機即加入謝票相當有心，而導演葉念琛當日更提早到戲院，視察觀眾反應，他表示賀歲片最緊要將歡樂同感動帶畀觀眾！而三位主創更以超高難度的麻雀問題即席考驗觀眾，導演葉念琛笑言：「佢哋都答到呀，好犀利呀！」高Ling及馬明呼籲觀眾繼續入場支持，馬明更預告：「希望再揀多啲場次嚟謝票！」
談到新年願望，三人一條心都是從電影出發，導演葉念琛說：「希望更多人入場支持《麻雀女王追男仔》。」高Ling則表示：「+1，希望票房大賣！」而馬明則簡單直接說：「票房越高越好！」
評論