黃子豐
呢個廖康銘馬房養緊成67隻馬，我一直都喺度諗，點解仲保留隻「超勁寶寶」，睇番隻馬上季交代後，季尾跑七場，其實有六場係19至38倍，而呢六場，仲有五場係贏馬嘅谷草1650米。
好明顯，「超勁寶寶」上季贏咗後，馬房已鎖定目標一口氣減分想落五班。
再睇下今季中突然除咗眼罩嘅佢，兩次留住追，居然都可以跑入三四名。反而近兩場，喺冇眼罩及狂放下散曬。我 係咁諗嘅，以前呢隻馬兩次放頭贏馬，一次有羊毛面箍，一次有眼罩，當呢兩樣配件都冇曬後，佢反而留住跑表現先最好，近兩次咁放法，可能係全心落五班。
「超勁寶寶」今次一落班，跑返唯一贏馬路程，突然擺個潘頓上去，同場有權放嘅馬，有「冠寶駒」、「讓愛高飛」、「同寶寶」甚至「著著領先」，潘頓隨時留返喺三四位，形勢隨時同178嗰場四班1650米差不多。
反正「超勁寶寶」一定會有賠率，可搏注單WIN，睇下佢會唔會突然變身。
評論