香港文匯報訊（記者 子棠）女團VIVA的真人show節目「VIVA Medium Rare House」在播出的第九集中，承接上一集遭節目組大整蠱，營造師妹海兒（Hedy）將會加入VIVA取代馬思惠（Macy），怎料搞到李晞彤（Carina）爆喊。

在新一集中，VIVA最初毫不知情下與Hedy相處融洽，互相教對方唱歌和跳舞，後來Hedy故作欲言又止地問VIVA最近是否有所變動，又指自己近日突然收到指示：「聽講好似有人唔乖，但我唔知係邊個…… 總之我𠵱家好似要食咗一個位……」VIVA問到：「呢啲內容係咪唔出得街㗎？」

VIVA坦言收到突如其來的「成員變動」的消息很衝擊：「原本我哋今日係拍攝同Hedy玩一日，但突然間收到呢個資訊好衝擊，可能近排係發生過一啲嘢。」節目組問到底發生過什麼事？張鈊貽（VALC）首先自首：「我入嚟住頭一個禮拜返咗兩次屋企，有申請嘅。」Macy接着說：「我申請返屋企拎嘢，但係被駁回，我覺得不合乎情理，好嬲，鬧人嗰個係我。本身我唔係鬧經理人，我鬧嘅係覺得溝通上有不當，同埋當時有啲處理不當。」提到Hedy有可能取代其中一位成員位置，Macy邊喊邊說：「做錯嘢嗰個係我，將件事鬧得最大嗰個係我，如果呢個係我應該要負嘅責任，我OK。」姜咏鑫（Ada）跟VALC苦笑指如果有人被退團，就不如一起。

拍攝途中，Hedy突然再次現身宿舍並自爆：「我頭先有冇露餡？我其實唔係好做到，好難，要特登令一個人痛苦或者擔心。」整個過程都沒有說話的Carina終於忍不住爆喊：「我真係好傷心，呢啲嘢唔可以攞嚟玩㗎！」網民則紛紛留言大讚Carina有做隊長的潛質，為團隊顧全大局。而經過今次大整蠱後，Macy坦言：「經過今次件事，大家有乜嘢問題都會直接講，再睇睇點解決，同埋團隊感情的確好咗好多。」