香港文匯報訊（記者 梁靜儀）黎耀祥（祥哥）、胡定欣、蕭正楠、陳曉華、羅天宇、陳楨怡、海俊傑、謝雪心、莊思明及邵初等，前晚（21日）到元朗出席劇集《巾幗梟雄之懸崖》宣傳，一眾演員與現場觀眾一齊睇電視直播，而昨晚（22日）一連播出兩小時大結局。單身多年的胡定欣日前自爆有新戀情，前晚出席活動時春風滿面，透露已帶男友給一班姊妹過目，黎耀祥讚定欣值得找到理想伴侶。

定欣表示這次是劇集最後一次宣傳活動，感到時間過得太快，有點不捨。祥哥就表示可以同觀眾一齊睇劇集，是個完美大結局。定欣日前透露有拍拖好消息，被問到新戀情時，她大方承認︰「係嘅，我一向好低調處理感情事，都想同大家分享。（冚得咁密？）上天庇佑，一班好姊妹都話我犀利，竟然冇人知道。」她又透露一班好姊妹已見過其男友，問到姊妹們對其男友有何評價？她笑說：「唔知喎！冇特別評，總之替我開心。」

身旁的祥哥被問到可有見過定欣男友時，他就笑言自己又不是姊妹，所以未見過。定欣就謂有機會都想帶男友與祥哥見面。說到她今年不用再孤單過聖誕？定欣即笑謂自己一向都不寂寞，只不過外間覺得她單身會孤單，又笑說：「就好似角色『七爺』，要遇到相知嘅人唔容易，『七爺』都要排除萬難，呢件係開心事所以分享。」定欣被問到如何稱呼其男友時，她未有透露，只稱男友是圈外人。笑問到「七爺」的男友是否叫「七公」？定欣笑言不好。有人笑問是否姓洪？叫「洪七公」，定欣只一味在笑。問到她何時帶男友出席公開場合時，定欣笑言暫時不會，又稱只能夠講有拍拖，總之現時好開心。

問到會否像劇中一樣有一個好結局？祥哥聞言即笑說：「千祈唔好似劇中咁，80幾歲仲喺度求緊婚！佢仲失憶唔記得咗，大吉利是咩？」定欣即笑說：「大吉利是！」他又讚定欣開心又樂觀，好懂得享受生活又獨立，認為她值得找到理想伴侶：「佢又靚女、又有才華、又有思想，又有運動天分，又舉重，咁嘅女仔𠵱家好難搵。」

祥哥加碼邀定欣拍喜劇

問到可想再合作？祥哥就提議可以拍喜劇，可和定欣的角色性格對調，更已想好劇集名：「下次可以叫《巾幗梟雄之跳落懸崖》，梟雄都要跳落懸崖就真係好笑，係我跳落懸崖。（你唔係一年只拍一部劇？）為咗定欣，佢話拍我都拍，我出年仲有個配額，配額嘅嘢可以搬嘅，為定欣可以加碼。」定欣又建議合拍飲食節目也不錯。問到男友可有到現場？定欣指男友早已在網上平台睇畢全劇。

蕭正楠暢所欲言「好爽」

蕭正楠（阿蕭）於劇中一人分飾三角，令到觀眾以為他人格分裂，阿蕭笑言終於可以身世大揭秘，不過他也有向監製提議最尾以另一角色出現，令觀眾有遐想。他笑言之前公事與私事（太太黃翠如有身孕）都唔講得好辛苦，現在終於可以講，感覺「好爽」。

之前曾被傳年底與緋聞男友朱敏瀚結婚的陳曉華，被問到何時可以公布好消息？她突然宣布婚訊：「我聽日就結婚喇……同偉豪（羅天宇飾）。」問她可羨慕蕭正楠可以暢所欲言？她笑稱羨慕：「我都乜都講。」當問到她現在可有拍拖，她即扯開話題，又指下星期主演的新劇《異空感應》將會播出，都好緊張收視：「《巾幗》收視一定唔擔心，《異空感應》就會緊張，都不停叫多啲人睇。」蕭正楠聞言就說：「多產女星。」

海俊傑暴瘦十磅想減產

同場52歲的海俊傑明顯消瘦了不少，他透露瘦了十磅，因為近年移居中山，一年搬了三次屋，要內地、香港兩邊走，比較頻撲，都想減少工作，加上早前回美國為爸爸慶祝80歲大壽，及到波士頓出席妹妹的婚禮。他否認身體有事，都希望能增20磅。