港人北上 | 大胃王挑戰放題　「蠔」嘆鮑參「刺」肚 - 神州

港客到深圳搵食愛嘆火鍋或串燒，其實日式放題也大有巿場。位於羅湖KK mall的日式放題店「極上萬膳」開業5年，自去年初恢復正常通關後，假日晚巿經常被港客「佔領」，全因可無上限喪食生蠔、海膽、刺身、鮑魚、海參、鵝肝等矜貴美饌，更有紅白酒清酒任飲，埋單¥400有找超抵玩！近日入冬更全新升級滋補鍋物，大家快快召集身邊大胃王拉隊北上！

香港大多數日式放題店的用餐時間僅得2小時，座位及通道也較狹窄，令食客的用餐體驗大打折扣。不過，若選擇北上消費則沒此煩腦，相近價錢更可嘗盡矜貴食材。去年有港人夫婦在Fb群組發帖，指北上幫襯金光華商場的極上萬膳，二人勁食70隻海膽，成為一時熱話，足見該類任飲任食放題店在深圳極受港客支持。

最長任食3粒鐘

本報記者早前到訪KK mall的極上萬膳，是該集團的旗艦店，面積達5,000多平方呎，餐枱、座位寬闊，亦有6間包房讓聚餐客人有較高私隱度。現場所見有多枱港客捧場，亦見有幾個閨蜜北上，邊嘆紅酒邊嘆生蠔。至於放題價格分兩種，包括豪華日式放題及極上日式放題，分別是¥398及¥298，美團買券更抵玩。現時該店亦售賣套票，6張豪華日式放題券僅需¥2,000多元，折實一張¥378，若6人幫襯可即買即用，亦可在不同分店使用，性價比超高。值得一提，該店最強賣點是可任飲任食2.5小時，若入座前要求更可延長半小時至3小時，認真貼心。

假日港客佔六成

店家的美食款式比香港的放題店有過之而無不及，以豪華放題為例，可任叫生蠔、海膽，刺身除了一般三文魚、甜蝦外，更有龍蝦、象拔蚌、深海鰲蝦、霜降雪花牛肉等，回本無難度。熟食有多種鐵板燒、爐端燒、壽司、炸物、甜品，並供應Häagen-Dazs雪糕，包保食客飽到懷疑人生。店長麥先生受訪時透露最注重食客用餐體驗，因此該店平日晚巿有三成是港客，假日高峰期更達六成。他稱：「港客主要叫冷盤，我哋所有刺身都係進口貨，有愛爾蘭鰲蝦、挪威三文魚，鐵板燒如羊架、牛柳粒、紅酒鵝肝都多人點！」他透露集團在深圳有6間店，未來也會繼續擴展版圖。至於深圳本地食客彭先生獨自前來，大讚燒海鮮及牛肉美味：「如果我去羅湖做嘢間中都會嚟晚餐，依度環境唔錯，可以坐2小時食下hea下。」